A Plataformak komunikabideetara bidalitako oharrean azaltzen duenez, indarkeria matxistaren aurkako egunaren harira, gabarra bat ateratzea erabaki dute «erakundeetatik genero-diskriminazioa eragiteko dauden mekanismo subliminalak» agerian uzteko. Athleticen emakumeen taldeak liga irabazi ostean gabarraren inguruan izandako polemika aipatzen dute adibidetzat.

140 emakumek parte hartuko zuten ekimenean eta Portugaletetik Bilboko Itsas Museorarte bidea egin zuten. Ondoren, Euskal Herriko mugimendu feministak deituta, Arriagatik aterako den manifestazioan parte hartu zuten.