Labore, REAS Euskadi, Bizilur, Kidekoop, EHKolektiboa, Mugarik Gabe, Elkarcredit eta Desazkunde eta bizitze ona Sarea elkarteetako kideek «bestelako» supermerkatu ereduak ezagutarazteko ekitaldia antolatu dute Bilborock aretoan datorren maiatzaren 23rako. Food Coop dokumentalaren emanaldiaz gain, mahai ingurua eta solasaldia egongo dira, Euskal Herrian martxan dauden antzeko proiektuak aurkezteko.
Food Coop, New York-en sortutako supermerkatu kooperatiboaren inguruko dokumetala da. Proiekzioan kooperatibismoa, kolektibotasuna, ekonomia eraldatzailea, elikadura burujabetza, elkartasuna eta autogestioa bezalako gaiak jorratzen dira.
Ekitaldiaren aurkezpenean bidalitako oharrean azaltzen dutenez, «zken urteetan, gure eguneroko erosketa multinazional gutxi batzuen eskuetan dago. Enpresa hauek beraien etekinak handitzeko ondasun naturalak esplotatzen dituzte, produkzioa mila kilometrotara deslokalizatzen dute eta milaka pertsona esplotatzen dituzte lan-baldintzak bidegabeko eta ez duinak erabiliz».
Aldiz, Euskal Herrian, eta Bilbon, gero eta gehiago dira «bestelako supermerkatuak» bultzatzen ari direnak autokudeaketan eta lankidetzan oinarritutakoak. Proiektu hauek ekoizpen ekologikoa eta jasangarrian oinarritzen dira, produkzioaren birkokatzean eta zirkuito laburretan eta lan-baldintzak duinak eta bidezkoak ziurtatzen dituzte.
Maiatzaren 23an egingo den ekitaldian proiektu hauen inguruan hitz egin eta ezagutzeko aukera izango da Bilborock aretoan.
Food Coop dokumentalaren trailer-a:
Food Coop - Trailer from LARDUX FILMS on Vimeo.
La resaca del 21A en Nafarroa: Morbo, perplejidad y ciertas notas de decepción
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
La nueva presidenta de UPN se abre a pactos puntuales con EH Bildu y a gobernar con Geroa Bai
