Muntai polizialen aurkako jaialdia ospatuko dute larunbat honetan, urtarrilak18, Deustuko Erriberako Bizinahi Auzogunean, Atzaparka Eguna lelopean.
Mascletá batekin emango diote hasiera egunari 12.00etan eta ondoren ‘Kutxoren pantomimak’ mimo ikuskizuna egongo da.
14.00etan poteo biribilketa egongo da, eta ondoren bazkari valentziarra. A'Kapelak bazkalostea girotuko du ondoren. 18.30etan Analogyteken dj saioa egongo da Begoña tabernan.
Eguneko ekitaldi nagusia 20.00etan izango da Bizinahin, eta gauean Vicinay Dot eta Licor Colecta taldeek alaituko dute giroa 22.00etatik aurrera.
Bazkarian izena emateko epea ostegunean, urtarrilak 16, amaituko da. Erribera Tabernan, Begoña Tabernan, Deustuko Herriko Tabernan eta Errondabide Herriko Tabernan dago bazkarira apuntatzeko aukera.
Bizinahi auzogunea duela bi urte jaio zen auzotarrek hutsik zeuden Vicinay Cadenas enpresaren instalazioa okupatu zutenean. Eraikina garbitu eta txukundu, eta ordutik aurrera hainbat ekintza sozio-kultural eraman dituzte aurrera Deustuko Erriberari bizitza emanez.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
