Etxeratze agindua eskubideen murrizketaren adibiderik argiena dela adierazi du Ernaik: «Goizeko seietan esnatu, lan egin eta etxean haien albisteak oso osorik sinesten dituen herri bat nahi dute. Etxea-Lana-Etxea, jada kontsumitzeko ez dagoelako ezta kalera atera beharrik».
Etxeratze agindua «kontrol soziala helburu duen» neurri bat dela salatu du gazte antolakundeak, «bere xede nagusia, herritarron artean beldurra hedatzea izanik». «Abereen gisa bizi gaitezen: orain lanera, orain etxera; pertsona sumiso eta akritiko bilakatuz», azpimarratu du. Bilboko Ernaik osasun neurriak «beharrezkoak» direla dio, baina era berean, bizitzen mesedetan dauden neurriak behar direla, «eta ez kapitalaren mesedetan daudenak». Zentzu horretan oraindik ospitaleetan medikuak eta ikastetxeetan irakasleak falta direla gogoratu du.
«Osasunaren inguruan ahoa betetzen zuten bitartean, udan ezer gertatuko ez balitz bezala jokatu dute hauteskunde batzuk egiteko eta ostera, egoera eskuetatik joan zaienean, poliziaz bete dituzte berriro ere gure kaleak. Hori da haien neurri bakarra. Akatsen lekuan; errepresioa. Mozala berriz ere», salatu du Ernaik.
Ongizatea bermatuko duten «benetako osasun neurriak» aldarrikatu du gazte antolakundeak, eta «aberatsen eta kapitalaren mesedetan, bakartasunera, txirotasunera eta etorkizunik ez izatera kondenatzen gaituzten neurriak», ez dutela onartzen adierazi dute.
«Ez gara zuen hanka sartzeen aitzakia izaten jarraitzeko prest. Gazte gara, eta bizi nahi dugu. Osasun neurriak errespetatzen ditugu, noski; baina ez diguzue ziria sartuko. Soilik gutxi batzuen onurarako, ekonomiaren askatasun guztiak bermatzen dituzten bitartean, gureak murrizten dituzte» adierazi du Bilboko Ernaik.
Hau guztia dela eta, manifestazioa deitu du larunbaterako, urriak 31, 19.00etan San Anton zubitik ‘Gure kaleak eta eskubideak defendatuz, Euskal Herria eraiki’ lelopean.
🚔🚨 Egoera eskuetatik joan zaienean, poliziaz bete dituzte berriro ere gure kaleak. Hori da haien neurri bakarra. Akatsen lekuan; errepresioa. 🚔🚨
— Ernai Bilbo (@ErnaiBilbo) October 30, 2020
👉🏼 Horregatik ez ditugu kontrol sozialeko neurriak onartzen. ❌
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
