Eguraldia
Joxe Landaren iragarpena
Gaurko eguraldia

GAUEKO ZAPARRADA HORIEN HONDARRAK, BAINA ATERTU NAHIAN

Gaueko zaparrada mardul horiek pixka bat arinduta, giro kaskarrarekin eta mendebaldeko haize sastarrarekin hasiko da eguna. Ebro ibarrean ziertzo haizea mugitu ere bai. Goiz partean euri lardatsa eta arratsaldean atertze aldera. Gaueko ostarteek zeropean jarriko dute tenperatura zenbait lekutan. Gaur egunean zehar euria gutxitzen baina giro petrala mantenduko da tenperatura behe samarrean dela eta haize horrek ere dezente mikaztuko du giroa. Bihar epeldu ezinean, baina txukunago.

Bihar

ATERI ETA ITXURA POLITA OSTARTEAK NAGUSITUZ, BAINA FRESKO

Euri bolada igarota ateri eta dotore samar sumatuko dugu gaur, ekialdeko haize leunarekin. Erabat garbi ez baina ostarteak nagusituz, dotoreziak asko irabaziko du baina epeltasunak ez. Ipar-ekialdeko haize txiki hori fina eta petral samarra izango da eta tenperaturari ez dio asko igotzen utziko. Hala ere, haize hori geldi dela hotzaren sentsazioa dezente gutxituko da. Hegoaldeko ibai haizea ere baretu eta horko zeru aldea erabat garbi eta eguratsa garden. Bihar gaur baino pixka bat giro hobea, hego ukituko haize txikiarekin.

Joxe Landa. (Gorka RUBIO / ARGAZKI PRESS)