Labore Bilbo elkarteak abenduaren 1ean irekiko du Santutxuko Haro plazan kokaturiko lokala. Webgunean azaltzen dutenez, «helburua ahalik eta jende gehienari bertokoak diren kalitatezko produktuak eskuragarri jartzea da» eta «ohiko denda eta saltokien ordutegi berdintsua» izango du.
Bertoko jaki osasungarriak egongo dira salgai Laboren «agroekologiaren baitan produzituak eta, zer esanik ez, harreman soziolaboral justuetan oinarrituak», zehazten dutenez.
Labore Bilbo irabazi asmorik gabeko elkarte bat da eta «bestelako ekonomia eredu batean sinisten dugu». «Kontsumitzaileok kalitatezko produktuak preio herrikoietan eskuragarri izango ditugu, nekazariek prezio duina jasoko dute jakien truke eta lanpostu duinak sortuko ditugu», azaltzen dute webgunean. Ildo horretan, proiektuaren «bizkar-hezurra» bazkideek osatzen dutela azpimarratzen dute, «bazkideok gara Laboreren jabe eta garante».
Labore-Bilbo elkartea babesten duten, norbanako eta eragileek (EHNE Bizkaia, Errigora, Bizilur elkartea, Mundubat, Bizkaiko Emakumeen Asanblada, Gite-Ipes) otsailean eman zuten bazkidetza kanpainaren berri. Dagoeneko 250tik gora dituzte eta helburua 500 izatera heltzea da.
Aurkezpen bideoa:
La resaca del 21A en Nafarroa: Morbo, perplejidad y ciertas notas de decepción
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
La nueva presidenta de UPN se abre a pactos puntuales con EH Bildu y a gobernar con Geroa Bai
